رمضان وبرامج التليفزيون

السلام عليكم ورحمة الله وبركاته
دائما مرتبط دخول شهر رمضان بتغير خطه برامج التليفزيون منذ ان كان التليفزيون عباره عن 2 قناه وحتى الان فى ظل الفضائيات
وعندما كنت صغيره كنت افرح انا واخوتى بقدوم رمضان علشان حنشاهد الفوازير والمسلسلات وظللت هكذا فتره طويله كنت اجلس من بعد الافطار حتى الصحور اشاهد المسلسلات وعندما كبرت بدات اقلل من الفرجه على المسلسلات بغرض قراءه بعض ايات القران
وعندما كبرت اكثر ونضجت جاء فى ذهنى سؤال لم اساله لنفسى من قبل وهو!!!!!!!!
لماذا ارتبط شهر رمضان بالمسلسلات والفوازير وما شابه ذلك؟
واندهشت لانى لم افكر فى هذا السؤال من قبل
من المفترض ان رمضان شهر العباده والقران والصلاه وفعل الخير فمن المنطقى ان تتغير خطه برامج التليفزيون ولكن تتغير على النقيد مما نراه الان تلغى المسلسلات والاغانى والبرامج الترفيهيه جميعا ولا يوجد برامج الا البرامج الدينيه وقراءه القران ولا انا كلامى خطا
ما الاسباب يا ترى التى ادت الى ذلك الاستهتار والفوضى الاعلاميه؟؟؟؟؟؟
من فضلكم احب اعرف رأيكم فى هذا الموضوع
هل مع ولا ضد هذه الفوضه الاعلاميه؟
وما الذى ادى الى ذلك

الكل دلوقتى مستغرب على ان البرامج كترت جدا فرمضان

بقيت القنوات بتتسابق على المسلسلات والبرامج

عشان من وجه نظرهم ان الناس متواجدين اكتر قدام التليفزيون فى شهر رمضان

اللى بيشتغل بيرجع بدرى من الشغل

ومن بعد الفطار وقت طويل لغاية الصحور

اهم بيسلوا الناس وبيلهوهم عن العبادة اللى المفروض تزيد فى الشهر الكريم ده

بقيت المصالح والبزنس اهم من اي شئ تانى

وبقى تغيب العقل حاجه مفروضه على الكل

المفروض مننا اننا مش ننساق للتليفزيون اوى ونقوى نفسنا بالتقرب الى الله

ونستغل كل وقت فى الشهر الكريم ده وربنا يهدينا جميعا

وكل عام والكل بالف خير ورمضان كريم
رنااااااااااااااااد

والله ياجماعه انا من رايى ان رب رمضان هو رب كل الشهور
يعنى العباده اللى بتكون فى رمضان بس المفروض تبقى فى كل شهر
يعنى لو بنختم القران فى رمضان 3 او 4 مرات وفى شهر بس
شوفوا فى السنه هنختمه كام مره